Giputos ni Zeus ang tanang mga maayong butang sa usa ka tadyaw ug iya kining gitabonan. Dayon iya kining gipatipigan sa usa ka mortal. Ang maong mortal nakuryoso pag-ayo sa sulod sa maong tadyaw mao nga iya kining gibuksan. Nanggawas ang tanang mga maayong butang ug bugtong paglaom na lang ang nahabilin sa dihang gidali pagbalik sa maong mortal ang tabon sa maong tadyaw.
Pamalandong
Dako’g kahimoan ang paglaom aron magpabiling lig-on ang mga tawong nawad-an sa mga maayong butang nga gipalabay lamang nila sa ilang kinabuhi.