Usa ka batan-ong relihiyoso nga puno sa ideyalismo ang nikonsulta sa iyang isigka-relihiyoso nga lisud diay kuno nga magpunay na lang og uyon-uyon sa mga labaw niya sa monasteryo. Adunay mga plano nga buot niyang himuon apan lisud buhaton kay kondili tugotan sa labaw ang tanang gihunahuna mahanaw. Ang iyang higala miingon: “Buhata na lang ang mga naandan aron sa problema dili ka hugpaan, paabot na lang sa imong higayon!” Ang batan-ong relihiyoso mitubag: “Inig-abot nianang higayona tapolan na pud kong mohunahuna.”
Pamalandong
Tukma baya ang magpaabot ta sa hustong higayon apan ang pangutana mao: “Hangtod asa ug kanus-a man kini kutob? Kay ang pagpunay og pugong maoy maghimo sa ideyalismo nga mamatay na lamang sa natural nga kamatayon.