Atong makita ang duroha ka mga tawo. Ang mapahitas-ong Pariseo ug ang mahinulsolong kobrador sa buhis. Ang Pariseo nagpagarbo tungod sa iyang pagtuman sa mga balansayon sa tinuohan nga sobra pa sa gisugo sa balaod. Ang kobrador sa buhis ang niangkon nga siya usa ka tawong makasasala. Gitataw sa Ginoo ang Dios nakadayeg tungod sa gipakitang pagpaubos sa maong kobrador sa buhis. Dili sama sa Pariseo nga bugtong iyang mga kaugalingong katakos ug nahikalimot na hinuon siya nga dunay Dios nga mas labaw pa kay kaniya.
Matud pa nila nga: Gibuhat ka sa Dios gikan sa wala apan dili siya makaluwas kanimo kun wala ikaw. Ang unang gikinahanglan aron mas mahingpit ang pagduol sa Dios diha sa pagpangayo og pasaylo mao ang pagpaubos. Kay ang Dios malipay dili sa halad sinunod kondili sa kasingkasing nga mahinulsolon.
Ang si bisan kinsang motan-aw lang sa kaugalingon ang dili na maantigong motan-aw sa uban. Ayaw himoa ang imong kaugalingon ingon nga sukaranan kun standard sa ubang mga tawo. Ayaw hukmi ang uban aron dili ka hukman.