Adunay 157 ka government owned or controlled corporations (GOCCs) sa tibuok nasud, ug sumala sa nasayran, nagpatuyang paghatag sa ilang kaugalingon og dagkung sweldo, allowances ug bonuses. Kini, taliwala sa minilyong Pilipino nga gigutom.
Ilang justification, mao nga ang mga opisyales ug mga board of directors ning maong mga GOCCs, mga hardworking kuno kaayo, busa kinahanglan ma-compensated sa husto ang ilang kahago.
Unya, dili illegal ang ilang gihimo tungod kay gitugot man sa ilang charter nga naghatag og gahom sa mga board of directors kun pilay ilang isuweldo sa ilang kaugalingon, ug pilay ilang mga allowances ug mga bonuses.
Gumikan niini, si Senador Franklin Drilon mipasakag balaudnon nga mag-delegate temporarily, sa gahom sa Kongreso pag-reorganize, o pag-abolish sa mga non-performing GOCCs, kini aron masumpo ang mga pag-abuso sa mga board of directors sa maong mga GOCCs.
Kun mahimo nang balaud, dili na makapatuyang ang kadagkuan sa maong mga GOCCs pagpaburot sa ilang mga bulsa ug tiyan at the expense of the hungry Pinoys, kini tungod kay i-rationalized na man ang ilang mga pay scale.
Tukoron ang Governance Council for GOCCs, matud pa, that would serve as an advisory, monitoring, recommendatory and policy-enforcing body attached to the Office of the President. Nindot ni kun mahimong balaud.
* * *
Quality education. Walay mosupak niini. Apan, kining abilidad ni Sec. Armin Luistro pagdugang og duha ka tuig pagtungha, naghatag og dugang suliran, inay solusyon sa daghang mga problema nga giatubang karon sa natad sa edukasyon.
First things first. Unahon una nato pagsulbad ang nag-ung-ong nga mga problema una ta muatubang sa mga solusyon nga naghatag og mas daghang problema.
Kun dungagan og duha ka tuig ang atong pagtungha, wala na ba unya’y doctor nga mag-nurse aron makatrabaho abroad? Ug wala na ba unya’y teacher nga magpa-maid sa Amerika o sa Saudi?
* * *
Mactan City. Pagkakaron, gumikan sa dagkung kaugmaran sa isla sa Mactan, morag na-waa sa passing ang Lapulapu City. Inig pangaligo sa dagat, moingon dayon nga mangadto sa Mactan. Inigdayon na’g tugpa sa eroplano, mo-announce dayon ang piloto nga “we are now approaching Mactan, Cebu..” Ang mga dagkung patigayon, lakip ang mga beach resorts, ang kasagaran nga address, Mactan Cebu. Daghan sa atong mga kaila, lakip taga-Cebu mangutana kun hain ang Lapulapu City.
Maayo pa’g ang airport ginganlan og Lapulapu City-Cebu International Airport, ug ang siyudad, Mactan City. Usa ka taas nga article ni Alfred Yuson sa Philippine Star giulohan og ”Gorging in Mactan and Cebu.” No mention, bisag one line lang sa Lapulapu City.