Ang kagamhanan sa dakbayan sa Sugbu magarbuhon nga mipahibawo nga ang cash balance niini niabot na og P3.19 bilyones.
Ang maong kantidad sa cash balance wala pa makab-ut sa dakbayan sud sa kasaysayan niini.
Sa ato pa ang siyudad aduna nay kapasidad sa paghatag og improvement kon kaayohan sa Cebu City Medical Center nga dugay nang gipangayo ug gipaabot sa mga kabus nga lumolupyo sa dakbayan.
Sa usa ka informal survey nga gihimo sa usa ka student council sa dakbayan, ang CCMC maoy gitumbok sa respondents nga maoy labing mahinungdanong “ahensiya” sa City Government kay kinabuhi sa mga kabus nga Sugbuanon ang gisilbihan niini.
Busa nanghinaut kami nga hatagan kini og igong pundo nga makapausbaw sa serbisyo niini sa mga pobreng siyudadnon. Ni Juanito V. Jabat