Si Sen. Pia Cayetano miawhag sa mga senior citizen sa Sugbu ug sa ubang dapit sa nasud sa pagpaninguha nga ang tanang benepisyo nga alang kanila ila gyung maangkon.
Tinuod. Kinahanglan gyud nga maninguha ang atong mga senior citizen nga ang mga kaayohan nga gihatag kanila ubos sa balaud mahaadto gayud kanila.
Dili lang maghuwat nga ilang madawat ang maong kaayohan kay bisa’g balaud na kini nagkinahanglan gihapon ang pagtukbil. Ingon man gud niana ang realidad kun kamatuoran dinhi sa atong nasud.
Busa maayo tong gipahinumdoman ni Senadora Cayetano ang atong mga senyor sa pagpakigbisog alang sa ilang katungod.