Ambot kinsay nag-imbento niini. Pero nalingaw ko og basa sa akong selpon. Gusto kong ipaambit kanimo ang akong enjoyment.
* * *
Here are your presidentiables: Villar -- Tondo Boy; Noynoy -- Mama's Boy; Gibo -- Lover Boy; Erap -- Kanto Boy; Gordon -- Amboy, Eddie V. -- Altar Boy; Jamby -- If I were a boy.
* * *
Si Joavan, ang sinagop nga anak ni Talisay Mayor Soc Fernandez, gikutlo sa prensa nga nag-ingon: "Wa ka kahibaw akoa ang Talisay?" Iya ning gipamulong samtang iyang gitiunan kuno og pusil ang usa ka tawo.
* * *
Ang "pagpanag-iya" ni Joavan sa Talisay mawa'a kun ang iyang amahan mapilde sa umaabot nga eleksiyon.
* * *
Usa ka tag-iya'g sari-sari store naglagot. Ang iyang kurtina gipatangtang sa usa ka barangay official tungod kay napatikan og nawong apil ang ngalan sa usa ka kandidato.
* * *
"Against the law kini," matud sa opisyal sa barangay. Mitubag ang babaye: "Kun ang imong kandidato ang naa sa kurtina, OK lang?"
* * *
Ang barangay official masuk-anong mitubag: "Pilosopo ka gyud da. Ipadakop tika nuon ron." Ang babaye kinsa medyo tigas sad mikatawag kusog ug dayon miatiman sa kustomer nga gustong mopalit og noodles.
* * *
TRIVIA -- Pikpik sa abaga sa atong mga newsboy diha sa N. Bacalso highway.