Gibalita nga naaprobahan na ang pundo alang sa dugang suhulan sa mga garbage collector sa dakbayan sa Sugbu.
Angay kining ikalipay dili lamang sa mga gitawag nato nga basurero ug sa ilang pamilya kundili usab sa tibuok populasyon niining atong dakbayan.
Mahinungdanon kaayo ang tahas nga gipatuman ngadto sa mga garbage collector. Kun wala sila kinsa may mohakot sa 500 ka toneladas nga basura kada adlaw?
Gani kanang suholan nga ilang madawat mao tingaling kinagamyan nga suweldo sa tanang kawani sa siyudad.
Ug suma pa sa usa ka tigpaniid kuwang ra ang tinagdan sa kagamhanan sa ilang panglawas.
Walay proteksiyon batok sa hugaw nga ilang giatiman kada adlaw.