Usa ka babayeng dentista gikan sa Misamis Oriental nga mianhi aron sa pagsaulog sa Pista Senyor uban sa iyang mga paryente dinhi, ang nabiktima sa swindler kun mangingilad.
Ang dentista, kinsa mihangyo nga dili lang ibutyag ang iyang ngalan kay mauwaw, nakuhaan og kwentas ug cellphone.
Sa susamang hitabo, usa ka babayeng negosyante ang misumbong kanato nga ang iyang bana nailad diha sa may shopping mall sa rekli adtong miaging adlaw.
Dili nalang nato idetalye ang nanghitabo. Igo nang balita nga dunay duha ka tawo nga naswindol o nailad atol sa atong kapistahan.
Manghinaot kita nga isolated cases kadto ug nga bisan pa, subsob ug higpit nga proteksiyon ang ihatag sa polis ngadto sa tanang namistahay dinhi sa ato. Ni Juanito V. Jabat