Ang New Yorkers dunay paagi sa pagpakita nila sa ilang kasagmuyo sa tuig 2009. Mipahigayon sila og Good Riddance Day.
* * *
Libuan ka mga tawo ang midagsang sa Times Square diin ilang gipadayag ang ilang disgusto, pagpangluod, pagkapungut, pagkasilag, etc. sa mga dili maayong nanghitabo sa tuig 2009.
* * *
Unsay ilang gibuhat? Naay nanggisi og mga front page sa mantalaan diin napatik ang balita bahin sa economic/financial crisis, grabeng recession, ug uban pa.
* * *
Dihay miguba sa iyang personal computer tungod sa mga pornography nga nakit-an sa iyang anak dalaga atol sa pag-surfing niini.
* * *
Usa ka babaye nakitang migisi-gisi sa front page sa New York Post diin napatik ang balita bahin ni Tiger Woods ug sa iyang infidelity.
* * *
Ang tumong sa Good Riddance Day mao ang pagpakita sa New Yorkers sa ilang kasagmuyo sa mga nanghitabo sa 2009 ug dili na unta kini masubli sa Bag-ong Tuig 2010. Diha man gani usa ka dakong streamer diin napintal ang mensahe nga nag singgit: ''DON'T LOOK BACK:"
* * *
Nagpaabot ako nga sa dili madugay kining Good Riddance Day sa New York kopyahon sad ni sa mga Pinoy. Mga "masunurin" gud tang pagkatawo. Apan OK lang. Makadugang man kini sa kaalegre sa atong pagpaabot sa Bag-ong Tuig.
* * *
TRIVIA -- Greetings sa mga tindera'g pamahawon ug sa mga namahaw diha sa mga karinderiya sa Carbon, Taboan, ug uban pang mga public market sa Metro Cebu.