Ning umaabot nga piniliay kinahanglan nga sutaon pag-ayo sa mga botante ang mga kandidato nga ilang botohan.
Mao ning pasidaan ni Senate President Juan Ponce Enrile atol sa presscon dinhi adtong miaging Martes.
Matag eleksiyon, ingon niana nga pasidaan ang atong madungog -- nga pilion gayud ang kandidato nga maayo’g rekord ug dunay kabangkaagan.
Apan base sa mga matang sa kandidato nga mapili, makaingon kita nga gisalikway lang ang maong pasidaan.
Daghang mga kandidato nga angayang pilion ang wala mapili. Daghang dili angay’ng pilion ang napili.
Manghinaut kita nga karong umaabot nga piniliay dili na isalikway sa mga botante ang tambag nga sutaon pag-ayo ang mga kandidato nga miamoral kanila ug sa ilang boto.