Daghang mga inila ug inilog nga mga artista ug uban pang mga showbiz personality ang mi-endosar og nagkalain-laing produkto sa TV.
Tungod kay mga artista, anad na sa pag-sag-ulo og script, convincing kun makapahaylo gayud ang ilang pagdayeg sa produkto nga ilang gi-endosar.
Daghan ang mahaylo kon makombinser, ilabi na ang mga masa.
Hipokrito o bakakon ang usa ka artista nga moingon nga wala siya bayri’g minilyon sa iyang pagdayeg sa usa ka produkto.
Pipila ka mga desenteng media outlet didto sa Amerika modala na karon og endorsement sa usa ka produkto kun ubos sa ngalan sa endorser butangan niining linyaha: “Paid endorser.”
Kini aron kahatagan ang publiko og kahigayonan sa paghunahuna kun tinuod ba gyud ang gisulti sa nag-endosar o tungod lang kay gibayran kini.