Naay mga tawo nga wa ganahi sa "pagpanghilabot" ni Kris Aquino sa kinabuhi sa iyang kuya nga si Sen. Noynoy.
* * *
Primero kuno gihilabtan ni Kris ang lovelife ni Noynoy. Di kuno siya gustong maminyo si Noynoy ug kun maminyo man gyud, mahimo siyang usa ka "monster sister-in-law."
* * *
May gani kay di sad burokinta ang trato ni Noynoy. Edukada. Buotan. Wa lang panumbalinga ang gipangyawit ni Kris.
* * *
Si Noynoy klarong wa makauyon sa gipanulti sa iyang igsuon busa iyang gisultian kini: "That is the part of my life that I want to be private."
* * *
Ni-apologize, suma pa sa balita, si Kris. Ug mi-offer pa kuno nga siya ang mogasto kun kaslon na si Noynoy. Mao nay giingon nga "pamawi."
* * *
Karon bag-o pa lang, gihilabtan nasad ni Kris ang nagkanipis na nga buhok ni Noynoy. Naa kunoy tambal nga makapalabong og buhok apan wa motagad si Noynoy. Wa hinuon siya mosugyot nga mogamit si Noynoy og wig.
* * *
Mideklarar na si Noynoy nga kandidato na siya sa pagka Presidente. Kinsa man ang iyang running mate? Naghuwat pa siya kuno sa desisyon ni Sen. Mar Roxas kinsa maoy iyang gustong ma-running mate.
* * *
TRIVIA – Happy birthday ngadto ni Gloria Linares diha sa Lapulapu public market. Gikan sa iyang bana nga si Peding ug mga anak Lina ug Lando.