Nagkadaku ang gitawag nga “groundswell of support” ngadto ni Sen. Noynoy Aquino isip kandidato pagka-Presidente ubos sa Liberal Party.
Hapit tanan misuporta kang Noynoy. Wa pa kita makasugat og pundok nga mi-oponer sa posibleng pagdagan ni Noynoy pagka-Pangulo.
Apan kun pananglitan mapili na si Noynoy pagka-Presidente “itaga mo sa bato” nga ralihan gihapon siya sa mga gitawag nga militanteng pundok.
Kini gung militanteng pundok walay presidente nga suportahan kini ug tabangan sa pagkab-ot sa mga maayong tinguha niini alang sa nasud.
Mao nay ilang misyon ang pagbabag sa mga proyekto sa kagamhanan. Ila kining ginganlan og “fiscalizing.” OK man unta kun dili lang ubanan og kasamok sa kadanan.
Lahi kaha ang pagtrato sa militanteng pundok ngadto sa administrasyon ni Noynoy kun pananglitan magpapili’g Pangulo ug modaug ang anak ni Cory ug Ninoy?