Kun ang oposisyon dili magkahiusa siyento porsiyento (100%) nga modagan gayud pagka-Presidente si kanhi Presidente Erap Estrada. Kini sumala ni Erap.
Nagtuo si Erap nga kun modagan siya mahiusa kon ma-unify ang oposisyon?
Naay mga batid nga political analyst nga milingo-lingo sa baruganan sa kanhi Presidente.
Ang duha ka senador nga nag-una sa survey -- si Manny Villar ug Mar Roxas -- moatras kaha kun si Erap modagan?
Unya naa pay uban nga nagtinguhang ma-Presidente usab.
Dili ba kaha mosamot kabungkag ang oposisyon kun ipadayon ni Erap ang iyang tinguha nga ma-Presidente nasab?
Nakagasto na’g dako baya si Villar ug Roxas. Dili sad tingali nila usikan kini pinaagi sa pag-atras aron lang maseguro ang kadaugan ni Erap.
Kining atong gipadayag dinhi nunot usab kini sa mga punto de vista nga gipadayag ngari kanato sa mga nagpakahilom lang nga eksperto sa political/electoral analysis.
Matud pa sa mga Tagalog: Abangan ang susunod na kabanata.