Sukad sa pagpanaw ni Presidente Cory Aquino, daghang mga pasidungog ang gihatag ug buot pang ihatag sa nasud ngadto kaniya.
Naay sugyot nga himuon siya’g usa ka Santa ug national hero. Naa say proposal nga ang Enero 25, iyang adlaw’ng natawhan, tawgon nga Cory Aquino Day.
Ug gisugyot usab nga ang Edsa nganlan og Cory Aquino Avenue. Ug ang iyang nawong iapil uban ni Ninoy sa P500 nga papel de banko.
Kining daghang pasidungog, bisan proposal pa lang, angay’ng panaminan sa atong mga dagkong lider sa gobiyerno nga kun maayong pagkupot nila sa renda sa pangagamhanan, magpusot-pusot ang pasidungog nga ilang madawat.