Adunay sugyot nga hatagan og amnestiya ang mga sakop sa Abu Sayyaf terrorist group.
Ang mipadayag niining maong sugyot nagtuo nga ang maong lakang makatabang sa pag-angkon og kalinaw sa Mindanao.
Apan gi-shoot down dayon kining sugyota sa nagkadaiyang sektor sa atong katilingban.
Ang hugtanong pagtutol gibase sa katarungan nga ang Abu Sayyaf usa ka pundok sa mga terorista nga nailhan na sa pagpangidnap, pagpamunggot og ulo, pagpangilkil ug uban pang dili mapasaylo nga krimen.
Ang paghatag og amnestiya kon pagpasaylo sa Abu Sayyaf dakong insulto sa atong kasundalohan nga mitaya sa ilang kinabuhi aron mapatunhay ang kalinaw pinaagi sa pagpapha ning maong pundok sa terorista.