Ang magnetic therapy nakadapit pag-ayo sa lapad nga pagtagad sa medical community sa ika-20 nga siglo. Kining maong matang sa panambal nahilakip sa basahon nga Yellow Emperor's Book of Internal Medicine nga nasulat niadto pang 2000 BC.
May kalabotan ang tubig niining maong paagi sa panambal. Ang matag water molecule sa lawas sa tawo "polarized." Nagpasabot kini nga adunay bahin sa maong molecule nga "electrically more positive" ug may laing bahin nga "electrically more negative."
Ang nakaayo sa magnetic therapy kay dili kini gastoso ug walay side effects. Si Dr. Philpot, MD, kinsa nakagunit og medical degree gikan sa Loma Lynda University sa Estados Unidos, nag-ingon nga ang lawas sa tawo (human body) mismo usa ka electromagnetic machine.
Ang mga awtoridad bahin sa magnetic therapy sama nila ni Dr. Louis Donnet, MD (Magnets For Your Health), Richard Leviton (Healing With Native Energy, East-West Journal; June, 1986), Dr. Ralph U. Sierra (Power In The Magnet To Heal), Neville S. Bengali, MD (Magnetic Therapy, Theory And Practice) Ug Dr. J.B. Baron, MD (Medical Convention in the Baylor College of Medicine, Texas) pulos mipamatuod nga epektibo ug may benepisyo ang magnetic therapy.
Mapakyas lang ang magnetic therapy kun ang pasyente dili mosunod sa water protocol. Kun ang tawo moinom lang sa hustong gidaghanon sa tubig matag adlaw, ug ang tubig nga iyang imnon may hustong kalidad, ang magnetic therapy makahimog mga kahibulongan ug maghatag og kahupayan sa labing luwas ug mas dali nga paagi. (Sunod: Perfect Water)