Ang tubig tingali ang labing misteryosong "fluid" nga atong makaplagan dinhi sa kalibotan. Samtang ang mga batid sa siyensiya mihimo’g mas gipalapdan nga pagtuon mahitungod sa tubig, nagkadaghan ang mga sekreto ning maong elemento nga nadiskobrehan ug nadayag.
Nadiskobrehan sa mga scientist nga ang tubig nagbaton og "power of memory." Nagpasabot kini nga kun adunay delikadong mga kemikal nga ma-dissolve sa tubig ug unya tangtangon kini (kemikal) gikan sa tubig pinaagi sa chemical process, ang pag-inom sa maong tubig aduna gihapoy negative effect kay morag nagpabilin gihapon ang kemikal sa tubig.
"Polluted or toxic materials present in water set up a specific vibration and the water molecules surrounding it resonate to this vibration. Even when this chemical is removed, the water molecules that harbour the same vibration as those of the chemicals still play havoc when consumed," nagkanayon si A.R. Hari, tagsulat sa librong Water: A Miracle Therapy.
Usa ka eksperimento ang gipahigayon didto sa Estados Unidos diin ang mga scientist nakaestablisar nga kun ang usa ka disinfectant masagol ngadto sa tubig ug ang tubig ma-diluted sa kahimtang nga ang presensiya sa disinfectant dili na mamatikdan, aduna gihapon kini samang properties ingon nga tubig nga nasagolan og disinfectant.
Sa gihimo niyang panukiduki bahin sa water memory, si Dr. Ludwig nakadiskubre nga ang tubig adunay "ability to transfer information." Kini nagpalig-on sa pagtuo nga ang tubig nga nahugaw kay nasagolan og dangerous chemicals dili "healthy" bisan pag iagi kini sa makadaghang higayon sa bisan unsang proseso sa purification. (Sunod: Information Carrier)