Ang ABS-CBN milusad og election campaign nga ilang gitawag og “Boto Mo, I-Patrol Mo.”
Suportado kini sa Philippine STAR, ang flagship sa Star Group of Publications diin nahisakop ang Banat News ug The Freeman.
Ang maong kampanya miawhag kanato sa pagpanginlabot sa umaabot nga piniliay sa Mayo, 2010.
Kinahanglan ang atong pagpakiglambigit sa proseso elektoral kay kita aduna may paghandum nga mausab ang atong kinabuhi ngadto sa matang sa kinabuhi nga ato kanunay’ng gidamgo.
Ang kausaban makab-ot pinaagi sa eleksiyon diin nagtinarong ang nagpapili ug ang pumipili.