Ang respetado ug inilang TIME magazine mihingan sa lechon nato dinhi sa Sugbu nga maoy “Best Pig” sa Asia. Gibandera kini sa tanang mantalaan sa kaulohan ug hayan sa mga mantalaan sab sa ubang dapit sa rehiyon.
Ang mga giilang health buffs ug kadtong mga Pinoy nga naglikay sa pagkaon og lechon tungod lagi sa taas nga kolesterol niini, molingo-lingo o kaha mo israg sa ilang abaga, apan ang gihimo sa TIME makatabang baya sa pagpauswag og samot sa turismo dinhi sa atong dapit.
Kun gamiton kini isip come-on kon pagdani sa mga turista, langyaw ug lokal, isip kabahin sa food kon gourmet tourism, ang TIME nakatabang kanato og dako uyamot.
OK ra man tingali kun ato kining i-capitalize alang sa atong ekonomikanhong kalamboan.