Dili sayon pagpangitag tiunay nga higala. Mahimo nga daghan kitag amigo ug amiga, apan pila lang kaha niini ang maisip nga true friends. Niay mga text messages ni Kuya Boy Odilao, presidente sa Association of Former Regional Executives of National Agencies in Region 7 bahin niini:
Be with people who know your worth. You don’t need to too many of them to be happy. Just few real ones who appreciate you for what you are.
When you are up, your friends know who you are. When you’re down, you will know who your friends are.
May pagka-tinuod, di ba? Wa ta magkinahanglan og daghang friends aron ta magmalipayon. Ang importante mao nga bisag pila lang sila ka amigo, basta, dili lang sila mobuko-buko nato, ug miila sila kanato for what we are.
Unya, kun kita atua sa itaas, gamhanan ug influential, daghan ang makaila kanato, daghan ang mohangad kanato, daghan ang moabi-abi kanato. Gumikan sa ilang kadaghan, ug tungod kay silang tanan maayo kaayo nganhi kanato, maglisud kitag ila kun kinsa kanila ang tiunay nga friends.
Apan, sa higayon nga mahimutang kita sa ubos, wala nay makaila kanato, wala nay motagad, wala nay o-alleluiah. Ug dinhi, atong maila kun kinsa ang tiunay nga higala.
Nia pa: No one cares how much you know until they know how much you share. Kindness is language even the deaf can hear and the blind can see. Nindot sad. Hinoon, niining atong panahon karon, diin nag-iyahay kita’g kayod, sa maayo o dautan nga paagi, daw wala nay panahon ang kindness pagsulod sa atong mga kasingkasing.
Nia pa gyud: Our life is an open book, and each day is a page. We can’t erase what has already been written, but we can always try to make the next page better. May we have a better page of life ahead of us and be showered with the blessings of timeless love and happiness.
Kumusta man, ang imong page of life, Dro? Daghang erasures? Hunahunaa nga kita ra ang nagbuhat kun unsa man nga matang sa kinabuhi ang atong puy-an. In one way or another, mihimo kita’g mga choices nga naka-influence kun unsa man ang atong gisulat sa atong page of life.