Usa ka magbabasa ning lindog mi-text nga nagkanayon: "Good day, Sir. Duna lang koy reklamo. Diri sa highway Seno sa Mandaue daghan kaayong mga dispatser. Samokan kaayo sila. Dunay bana ug asawa diri nga dispatser, magsige’g pangolekta namong mga driver." -- 0921-6489737
Maayo unta kun makagangas ang mga traffic enforcer sa dakbayan sa Mandaue sa pagbadlong nianang maong mga dispatser, labina kanang asawa ug bana nga magsige’g pangolekta ninyong mga driver.
Maisip nga extortion ang ilang gihimo ngadto sa mga driver ug pangpublikong sakyanan busa angay silang badlongon. Nakahasol lang sila sa mga driver.
Maayo unta nga ang matag local government unit sa matag dapit mopalabang og ordinansahon alang sa anti-dispatching ug kun mahimo na kining ordinansa, ipatuman kini sa hingpit.
* * *
"Usa ko ka residente diri sa Danawan, Pakigne, Minglanilla. Grabe kaayo ang sugal nga mahjong diri. Dia ra sa among silingan ang sugal. Ang ginganlan og Josie puwerteng sabaa kay magsiyagit-siyagit samtang magsugal." -- 0909-3147658
Kun wala ko masayop, ang mahjong apil sa illegal nga sugal nga kalapasan sa Presidential Decree No.1 6-2.
Sa walay pagduhaduha, angay gyod ning aksiyonan sa mga polis sa Minglanilla aron masumpo kini. Mas kanunay kay sa dili, ang sugal usa sa mamahimong hinungdan sa pagkamugna sa laing krimen ingon pananglit sa pangawat, panulis ug lakip na ang family trouble.
Busa, aksiyoni ninyo kini!
* * *
"Wala may maayong nabuhat ang LTFRB. Gawas nga gamay ray gikunhod sa plitehan dugay na gyod kaayo nakapagawas og desisyon. Puyde padak-an pa nila ang rollback sa plitehan?" -- 0910-6156814 (Sent: 09:09:25am--November 9, 2008)
Mao kanay gipangandoy sa publikong sumasakay.
* * *
(Sumbong ug reklamo? Text sa 0910-8105522).