Unom ka mga bagitong polis ubos sa Field Training Program ang diriyot nakigpinusilay sa laing polis nga sakop sa Mobile Patrol Group dihang nagkarambola sulod sa usa ka diskohan.
Kabahin kini sa lead kun unang parapo sa banner story sa Banat News kagahapon.
Nahitabo ang kagubot, suma pa sa balita, human nangumot og lubot sa usa ka babaye ang usa ka FTP trainee.
Miorder na og imbestigasyon si Police Regional Office Chief Supt. Ronald Roderos.
Asa kutob ang imbestigasyon? Human sa imbestigasyon, unsa man? Hatagan pa og “day in court” kon “due process” ang sad-an.
Matud pa sa usa ka inilang kolumnista sa Manila, kining “due process” maoy eskapohanan sa mga badlongong polis ilabi na kun makamao mangita’g lig-on nga kapyotanan.