Suma pa sa balita adtong naghinapos na ang 2008, ang balaudnon nga gitawag og English Bill hapit na mamahimong balaud kon Akta Republika.
Ang maong balaud mohimo sa English nga language of instruction sa elementarya ug high school diin ang tumong niini mao ang pagpauswag sa English capability sa mga tinun-an inigka human na nila sa ilang pagtungha.
Daghan ang mihangop niining maong balaud tungod kay ang English mao na roy lingguwahe sa kalibutan. Bisan gani ang Hapon ug Insek nga wala magtagad sa English kaniadto mipaspas na sa pagtudlo ning maong sinultian ngadto sa ilang mga eskuwelahan.
Nagtuo kami nga sa labing sayo nga mapasar kining English Bill labing maayo alang sa nasud.