Ang mga barangay council sa dakbayan sa Sugbu gipahinumdoman sa ilang obligasyon sa pag-alokar og usa ka porsiyento (1percent) sa ilang budget alang sa ilang mga senior citizen.
Si Mayor Tomas Osmeña mipasidaan ngadto kanila nga ang ilang budget dili kaaprobahan kun wala maapil niini ang usa ka porsiyento alang sa mga senior citizen.
Maayo nga gipasidan-an ang mga opisyal sa barangay sa ilang katungdanan kay morag ila na lamang kining gibali wala bisan sayod sila nga klaro kining nahilakip sa General Appropriations Act.
Manghinaut kita nga ang pasidaan sa mayor hatagan og hingpit nga pagtagad sa atong mga opisyal sa barangay.