PINAALALAHANAN ng Judicial and Bar Council (JBC) ang mga nominado sa Mataas na Hukuman -– ang hanap ay yung may sariling pag-iisip, na kayang tumanggi sa pakiusap at impluwensya. Napakagandang mga adhikain. Independence and integrity. Sayang lang at galing sa JBC na walang credibility.
Ang JBC ay itinatag ng Saligang Batas upang magsilbing “screening committee” para sa mga aspirante. Sa pre-Martial Law years, ang Commission on Appointments (CoA) ang sumusuri sa appointment ng mahistrado bilang “check and balance” sa Executive at Judicial branch. Dahil ang CoA ay bahagi rin ng Kongreso, lahat ng proseso nito ay bukas sa publiko. Sa 1987 Constitution, hindi na susuriin ng CoA ang mga mahistrado pagkatapos ng pagtalaga ng Pangulo -– pero may paunang pagsusuri sa pamamagitan ng JBC.
Ang mga miyembro ng JBC ay hindi halal ng bayan. Kaya’t mas kritikal na bigyang publisidad ang mga proseso nito. Sa ilalim ng pamumuno ni CJ Puno, ang mga interview sa aspirante ay binuksan na sa publiko. Subalit may natitirang balakid –- tumututol ang JBC na ipaalam sa tao ang boto ng kanilang mga miyembro.
Ang paglatag ng voting record ng mga JBC members ay paraan upang patunayan ang kanilang independence. Ngayon pa lang ay may nabubuo nang opinyon kung saan kikiling ang mga aplikante, lalo na sa usaping Cha-cha. Hindi maitago na ang ilan ay may koneksyon kay Gng. Arroyo. Malaki ang maitutulong ng paglantad ng boto ng JBC upang huminahon ang mga naghihinala na lulutuin ang screening pabor sa kaalyado ng Ma-laca ñang. Wala namang matimbang na dahilan upang isekreto ang kani lang pasya. Ayon sa Saligang Batas, kailangang ipagbigay alam sa publiko ang mga mahalagang desisyon na umaapekto sa kanilang interes.
Patunayan ng JBC na ito’y independent bago ipilit sa aplikante na maging independent. Maski ang isyu ng integridad –- ano ang kredibilidad ng JBC kung mismong si outgoing JBC Senate representative Francis Pangi linan ay umamin na karaniwan siyang tinatawagan upang ipakiusap ang mga aplikante. Imbes na isumbong, pinababayaan lang niya ito. Nasaan ang integridad?
Ang bansa’y naliliga-lig sa posibilidad na ga-gamitin ng kampon ni Gng. Arroyo ang Supreme Court upang tumagal pa siya sa puwesto. Malaking maitu tulong ng pagsa publiko ng proseso ng JBC tungo sa pagpahinahon ng ating mga kababayan.
JUDICIAL AND BAR COUNCIL
GRADE: 65