Nius-os na ang presyo sa lana sa world market. Gi-rollback na ang presyo sa gasolina. Gi-rollback na sad ang plite sa mga sakyanang de pasahero (bisan na pay mga PUJ drayber nga nagpagahigahi sa pagpatuman niini).
Apan wa ba mong kaobserbar nga ang mga presyo sa mga produkto diha sa mga supermarket, lakip na ang mga prime commodities, mao lang gihapon?
Daghang mga ginang sa panimalay ang nangutana: “Ngano man kini?”
Nangatarungan ang mga tag-iya’g supermarket nga ang ilang mga produkto kon stock ilang napalit sa wa pa mous-os ang presyo sa lana.
So, okey, tagaag chance. Paabuton nato ang pag-us-os sa presyo sa prime commodities sa dili madugay kay kanang daang stock mahurot man gyud kana sa dili usab madugay.