Usa ka retired police colonel mipadayag sa iyang panahom diin nagtuo siya nga ang police visibility makatabang gayud og daku sa pagpakunhod sa kriminalidad sa usa ka komunidad.
Si Augustin Lloveras, retirado na nga koronel sa polis, gikataho nga miduso sa iyang sugyot nga patas-an ang police visibility sa kadalanan isip usa ka paagi sa pagpakunhod sa krimen sa usa ka komunidad.
Matud ni Lloveras: “Usa man gud sa nakita nato nga makasanta sa tulis ug kawat mao kun kanunay nga makita ang atong mga polis diha sa kadalanan.”
Ang maong sugyot dili bag-o pa. Hagbay na kitang nakadungog og susamang sugyot apan nagpabilin lamang kini nga sugyot ug wala gyud ma-implementar.