Luwan sa usa ka jeep de pasaheroan, akong nakasakay ang pipila ka mga kolehiyala sa usa sa mga inilang tunghaan ning atong dakbayan. Sila nagkukabildo ning mosunod:
Girl 1: Haay! Hard kaayo ang test ni Sir uy! It’s so paet!
Girl 2: Mao ba girl? Wa diay ka tuon sa imong mga lessons? Nag what man ka last night?
Girl 1: Nagtan-aw man gud ko sa ako friendster ga. Mao to! Nia nag-antus sa hardship. Pornada hinuon ato exams.
Girl 2: Sige lang gud. Better luck na lang sa sunod.
Sa kalit lang nipara si Girl 1: “Babe una lang ko hapit sa ko sa Carmelite kay kita mi sa ako BF. By the way ikaw sa plite sa ko fare ha kay unsaon nahurot na ko money sa amo gimmick last night.
Pamalandong
Lahi na gyud ang panahon karon. Nahimugso ang laing matang sa pinulongan nga gimugna sa kasamtangang henerasyon. Apan kun buot hunahunaon dili tanang litokon nagpasabot og pulong sanglit dili tanan nga gilitok ang nagbitbit og usa ka kahulogan.Nahimong ang kasagaran usa lang ka English Jumble aron ingnon nga na “IN” sa kasamtangan. Whatever!
* * *
E-mail: paiskaris@yahoo.com