Kontrobersyal ang pag-anhi ni ZTE NBN scandal whistleblower Rodulfo “Jun” Lozada adtong miaging adlaw -- Lunes Santo.
Ang gamot sa kontrobersiya suma pa sa mga tigpaniid mao ang pagdili sa mga pari sa pagpahigayon sa gitawag nga “Masses for Truth” diin motambong unta si Lozada.
Nalain si Lozada niini ug ang iyang kauban. Ngano kuno nga hasta Misa idili ngadto kaniya.
So, nibawos ang bisita. Sa iyang kahisagmuyo iyang ginganlan nga “Archdiocese of Malacañang” ang arsobispo sa Sugbu.
Nisamot kainit ang kontrobersiya. Nisamot ka polarize ang Cebuano community.
Matud sa pipila ka mga lumolupyo ning siyudad ngano bang wa na lang pasagdi si Lozada ug ang katawhan na lang mohusga kaniya. Dili ba nga nanghambog man ta nga “Cebuanos are intelligent people”?