PARA sa kaalaman ng nakararami, ang cancer ay hindi single disease kundi isang grupo ng mga sakit na maaaring tumubo sa lahat ng bahagi ng katawan, ma-lalaki o ma-babae man kahit sa anong gulang. Tinatawag ding ito multisystem disease.
Ang mga sakit ay iginrupo sa isang pangalan o generic name dahil sa kakayahan nilang palitan ang mga normal tissues at pigilan ang normal na systemic function ng katawan. Kapag hindi napigilan ang sakit o hindi nagamot, magdudulot ng kamatayan.
Dahil ang cancer ay tinatawag ngang multisystem disease, nangangailangan ito ng interdisciplinary treatment approach para matamo ang pinakamagandang oportunidad na malunasan ang sakit.
May tatlong mahahalagang paraan para malunasan ang cancer:
• Una ay ang surgery o ang operasyon. Sa pamamagitan ng surgery, inaalis ang tumor at iba pang sangkot na tissues sa bahaging may cancer.
• Ikalawa ay Medical Oncology. Sa pamamaraang ito gumagamit ng pharmaceuticals o ang tinatawag na chemotherapeutic drugs para paliitin at mapuksa ang tumor.
• Ikatlo ay ang radiation theraphy. Gumagamit ng ionizing radiation para puksain ang tumor na hindi madadamay ang mga nakapaligid na tissues.
Ang tatlong pamamaraang ito ay maaaring gawin individually at sequentially depende sa location, pathology at sa stage ng sakit.