HARD-hitting opposition lawmaker si Sen. Jamby Madrigal. Pero sa imbestigasyon ng ZTE scam sa Senado kamakailan, mistula siyang “pakawala” ng Malacañang. Iyan ang obserbasyon ng ilang media people na nagko-cover sa Senado.
Imbes na makatulong daw sa imbestigasyon, siya pa ang stumbling block sa pagsisiyasat sa “kidnapping” accusation ng ZTE star witness na si Jun Lozada. Bakit ko nasabi? Nagsampa si Madrigal ng kasong obstruction of justice laban sa ilang miyembro ng pulisya na makapagbibigay linaw (sana) sa alegasyon. Handa naman daw tumestigo ang mga naturang pulis pero lalong na-takot dahil sila’y kinasuhan. Suma total, lalung lumabo ang isyung binubusisi.
Lalung natakot dumalo ang mga ipinatawag na pulis mula sa PNP Police Protection and Security Office sa pagdinig noong Lunes. Ayon kay Atty. Felisberto Verano Jr., handa umano ang mga kliyente niyang pulis, sa pamumuno ni Police Chief Supt. Romeo Hilomen at Supt. Paul Mascarinas, na dumalo sa pagdinig. Pero dahil sa isinampang kaso, natakot ang mga pulis. Nangamba na ang kanilang testimonya ay magamit pa laban sa kanila. Ginamit kasi ni Jamby ang testimonya ni Mascarinas noong Pebrero 11 sa pagdinig ng Senado sa kasong isinampa sa Ombudsman laban sa kanila.
Dahil dito, malinaw na ang focus ng pagdinig ay hindi upang magbalangkas ng batas kundi upang “umusig” anang abogado.
“To (my) clients, it is clear that the evidence used against those charged in the criminal case for obstruction of justice were the very statements they themselves made before this august body” dagdag pa ni Verano.
Matalinong mambabatas si Sen. Jamby. Pero nakalimutan kaya niya na ang mga ipinatawag at ipinapatawag na pulis ay mga panauhin sa pagdinig, at hindi para humarap sa isang paglilitis? Hindi isang korte ang Senado kundi isang lehislatura na itinakda ng Saligang Batas na bumuo ng batas. Mula sa kilalang matatalinong angkan na Abad Santos at Madrigal, nagkukumahog si Jamby na iharap sa Ombudsman ang kasong ito. Bakit?
Sabi ng isang reporter na kumokober sa Senado, hindi pinapansin ng mga mamamahayag si Senadora. Kailangan niyang gumi-mik para mapansin. Ang description sa kaniya ng ilang reporters ay “parang isang kangkarot na kanyong nagmamadali sa pagha- hanap ng paraan upang mapansin”. Pero ang masamang nangyari, ang isinampa niyang kaso ay naging dahilan upang mahadlangan ang paghahanap ng katotohanan sa umano’y pagdukot kay Lozada. Sino ngayon ang naka-obstruct ng hustisya? Nagtatanong lang.