Taliwala ning dungog nga atong naangkon as a nation...sa atong pagka-kurakot, pagka-bakakon ug pagkatikasan, daghan gihapong mga sugilanon bahin sa atong pagka-honest.
Every now and then, bisag tagsa da kaayo, adunay mga sugilanon bahin sa mga taxi driver nga moulig mga butang nga makalimtan sulod sa taxi. Mga janitor nga mouli sa makit-an nilang mga butang sulod sa opisina o sa mga hotel. Nindot kaayo nga mga sugilanon. At least makaingon ta nga after all, duna pay mga honest nga nahibilin ning kalibutan.
Si Roger Young, usa ka janitor sa Charleston, West Virginia (sa Amerika ni, dili sa Camotes sa Siquijor). Usa ka adlaw, nakakita siya’g nagbugdo nga sobre ibabaw sa phone booth. Duna may ngan ang sobre iya dayon kining giuli ngadto sa tag-iya sa walay tagad kun unsay sulod niadto.
Kuwarta ang sulod. Apan, pagkahibalo niya niini, miingon siya: “I don’t care if it was one dollar or one million, I wouldn’t keep it.” Grabe ang pagka-honest. Ako pa to, di ko kaseguro, Dro, kun ako bang iuli o dili. Ako unang tan-awon og unsay sulod ug kun mga papeles lang, seguradong akong iuli. Apan, kun daku nga salapi, lain na ni nga istorya.
Si William Taylor sa Washington DC, nakakitag bag nabiyaan sulod sa iyang taxicab. Pag-abli niya, daghan kaayong kuwarta. Dihadiha, iyang gi-turn-over ngadto sa police. Pilay kuwarta? $50,000 in cash, traveler’s checks ug mga alahas. Nagmahay ba siya nga iyang giuli? Of course, wala.
Ang purse, iya sa asawa ni Edward Cole, retired president sa General Motors. Ug giingon dinhi: “While both Young and Taylor received substantial rewards, that did not motivate their actions. They were simply being honest.”
Atong usbon: they were simply being honest. Pila kaha kanato Dro, dinhi sa atong nasud, ang simply being honest? Pila kaha kanato Dro, ang makaingon nga di mamalit og votes during elections? Pila lang kaha kanato ang makaingon nga sa atong pagpangatungdanan sa gobiyerno (apil nako ini) ang wa gyud manapi?
Matud pa ni Alexander Pope: “An honest man is the noblest work of God.” Kita, Dro, naapil kaha ta sa mga noble work of God? Di kaha ta pipila sa daghang creation ni Satanas?
Hinaut nga dili tinuod ang giingon sa uban nga obsolete ug old fashion na ang honesty!