PATULOY na nilalapastangan ng jueteng lord ng Sorsogon na si Leony Lim ang pangalan nina Interior Sec. Ronaldo Puno at PNP chief Dir. Gen. Oscar Calderon dahil hindi naman nahinto ang illegal na negosyo niya. Paano naman mahihinto ang jueteng ni Leony Lim eh aabot sa P250,000 weekly ang intelihensiya niya sa ating kapulisan at iba pang ahensiya ng gobyerno. Sino pa ang huhuli sa mga puwesto ni Leony Lim sa Sorsogon kung kumpleto-rekado ang intelihensiya n’ya?
Ang balitang naka rating sa akin, P150,000 weekly ang ipinarara-ting ni Leony Lim kay Sr. Supt. Balligi Tira, ang hepe ng PNP PRO5 sa Bicol. Ang sa bulsa naman ni Dir. Edgardo Doromal ng CIDG ay P75,000 weekly, anang report na nakarating sa akin. At si Atty. Joel Descallar o Atty. Baltazar naman ay P25,000 weekly din, he-he-he! Tiba-tiba pala sina Tira, Doromal at Atty. Descallar dito sa jueteng ni Leony Lim, no mga suki?
Kung sabagay, hindi naman dapat indahin ni Leony Lim ang nilalabas niyang intelihensiya sa PNP bunga sa aabot naman sa P1 milyon kada araw ang kanyang kubransa sa jueteng sa Sorsogon. Kaya’t malaki pa rin ang pumapasok sa kaban ni Leony Lim at wala na siyang kaba na baka mahuli pa ang mga puwesto niya. At kung may intelihensiya si Leony Lim sa PNP hindi tiyak maiiwan ang mga pulitiko diyan sa Sorsogon, di ba mga suki? Kaya habang ang sambayanan ay abala sa pag-monitor ng kalalabasan ng nakaraang election, aba umaalagwa naman ang jueteng ni Leony Lim, he-he-he! Sobrang buwenas ni Leony Lim at siya lang ang may jueteng sa Bicol sa ngayon, di ba mga suki? Hanggang kelan kaya ang buwenas niya?
Ang sinisisi ng taga-Bicol sa patuloy na jueteng operation ni Leony Lim sa Sorsogon ay itong si Atty. Descallar o Atty. Baltazar. Ayon sa balita, si Atty. Descallar at Atty. Baltazar ang sumisiguro kay Leony Lim na sina Sec. Puno at Calderon ang may basbas sa pagbukas ng jueteng sa Sorgoson. Si Atty. Descallar ay naka-assign sa DILG subalit kapag kausap niya ang mga jueteng lords at iba pang gambling lords ang alyas na Atty. Baltazar ang gamit niya. At ayon pa kay Att. Descallar o Atty. Baltazar nasa Pagcor siya at may linya siya para sa larong STL.
Kaya habang patuloy ang jueteng sa Sorsogon, tinitingala ng sambayanan sina Sec. Puno at Calderon kung ano ang aksyon na gagawin nila. Habang tahimik kasi sina Sec. Puno at Calderon sa jueteng ni Leony Lim ay nangangahulugan lang na tama ang pagyayabang ni Atty. Descallar o Atty. Baltazar na may basbas nila ang naturang sugal nga. Sino kaya ang may bayag kina Sec. Puno at Calderon para mag-utos na mag-raid ang jueteng ni Leony Lim sa Sorsogon para patunayan na hindi nakarating sa bulsa nila ang grasya ng jueteng nga.
Abangan!