Kining kalangay sa iniphanay sa botos sa miaging eleksyon nakamugna og kagubot sa mga dapit diin hangtud ning panahona wa pay klaro kinsay daugan.
Mga silingan nga nagkakontra partido ilabi na kadtong mga sugarol nga nagpinustaanay, mainitong nagkalalis na.
Ang mga sugarol gusto nang kobrahon ang ilang daug bisan wa pa maproklamar ang nagliding nilang kandidato.
"Hapit na magtinigbasay ang mga sugarol dinhi sa among barangay," suma pa niining usa ka magbabasa sa Banat News.
Samtang wa pa mahinayon ang tinigbasay, dali-dalion unta ang pag-ihap sa mga boto ug wa nalang untay babagay sa iniphanay.