Di pa dugay, duha ka polis ang nadakpan kuyog sa usa ka dakong drug pusher atol sa buy-bust operation nga gipahigayon.
Pagkasunod adlaw, laing duha na sad ka polis ang gi-entrap human gisumbong og extortion kun pangilkil.
Kini pipila ra sa mga sakop sa atong kapolisan nga nakahimog salaud sud sa pipila usab ka adlaw diin nabuling-bulingan ang pangalan sa Cebu City Police Office (CCPO).
Nalipay kami nga ang hepe sa CCPO misaad nga iyang hatagan og subsob nga pagpaniid ang mga lihok sa iyang mga sakop.
Ug uban niini ang pasalig nga iyang pitolon ang mga scalawag ubos sa iyang gahum.
Among gihangop ang maong pasalig bisan kini long overdue na.