Natural, tungod kay nag-una ang mga kandidato sa Oposisyon pagka-senador sa mga survey nga gihimo, tuo gyud sila sa mga survey. Apan, sa side sa administrasyon, di gyud sila motuo. Lagmit, lain ang ilang gisaligan ug gibasihan sa ila unyang pagdaog, despite sa mga survey.
Apan inigsugod na unya sa kampanya sa mga local candidates, di ba kaha mausab ang picture? Hapit tanang Kongresista, mga gobernador, mga mayor, ug mga konsehales, lakip na ang mga barangay officials (bisag dili mga kandidato), iya ni Gloria.
Sa ato pa, iniglihok na nila, inigpangusog na nila nga kinahanglan mudaog ang mga kandidato ni Gloria, di ba kaha mausab ang resulta sa mga survey nga himoon? Ug kon mausab, unya, makasulod na ang mga kandidato ni Gloria, motuo na sila, ug ang Oposisyon na say di motuo?
Funny. On the other hand, angay hinumduman nga up to the last hour ni Marcos, diha kaniya ang mga local officials, kaylagi, diha pa kaniya ang gahom ug ang daghang kwarta. Apan ang mga tawo, wa na motuo sa mga local officials.
Mao ba ni ang sitwasyon karon? Monunot ba gyud ang tanang tawo sa gusto sa ilang Congressman o sa ilang Gobernador o Mayor, ug di na lang maminaw sa mga isyo sa lying, cheating ug stealing? Matud pa ni Pedro: "Let us to wait!"
Anyway, moingon sila nga ang Metro Manila, dili ang Pilipinas. Sa ato pa, bisan tuod og ang mga resulta sa survey sa kaulohan nagpakita nga dumadaug ang Oposisyon, wa kini magpasabot nga mao na kini ang sentimento sa tibuok nasud, kaylagi, ang Manila tipik lamang sa Pilipinas.
Unya, mangutana ang Oposisyon: Ang Cebu, ang Davao, ang Iloilo, mao diay ang Pilipinas? Buot bang ipasabot nga samtang giisip nga intelligent voters ang taga-Metro Manila, kita dinhi sa mga lalawigan, dili diay? Ikay tubag ini, Dro.
Sa laing bahin, ang atong nasud karon giisip na kuno nga labing corrupt ning dapita sa Asia, ug lagmit sa tibuok Asia. Proud to be a Filipino?