Ang Kapitolyo dunay halapad nga programa diin mga dagkong imprastruktura sa mga dagkong investor ang tukuron sa yuta sa probinsya.
Apan ang maong programa masango kini gumikan sa desisyon sa City Hall diin dili kahatagan og mga permit ang mga edipisyo nga tukoron sa yuta sa probinsya nga anhi nahimutang sud sa hurisdiksyon sa siyudad.
Kini ubos sa bag-o pang gipalusot sa konseho sa siyudad nga resolusyon diin gipaubos sa moratorium ang land swapping nga gikasabutan sa Kapitolyo ug City Hall.
Kinahanglan nga masulbad kining problemaha alang sa kaayuhan sa tanan. Mapakgang ang kalambuan sa Sugbu gumikan lang sa nagkalahing baruganan sa duha ka lokal nga kagamhanan.