Pamalandong Matag Domingo
Pebrero 4, 2007: Ikalimang Domingo sulod sa tuig
Mga Pagbasa: Is. 6:1-2a, 3-8/ 1Cor.15:1-11 Lk.5:1-11
Inubanan sa mabugnaw'ng huyohoy sa hanging Amihan ako nagpungko daplin sa baybayon ning Islang halandumon - Ang Carnaza nga akong pinangga. Sa walay lipod-lipod ako makapamalandong sa akong bokasyon. Katingalahan kay sa pagkapari gigasahan nga unta dili man gyud ko buotan ug balaan.
Apan ang paagi sa Ginoo katingalahan kaayo kay bisan sa kayano gitawag niya si PEDRO aron managat og mga tawo.
Ang Ginoo wala motawag og mga hingpit nang daan aron saligan. Adunay mga daotan, mga bulay-og ug mga tampalasan aron himuong instrumento sa kaluwasan. Kini nagtimaan nga ang Dios padayong motul-id sa badlis nga hiwi sa sinulat nga sugilanon sa tawhanong kahuyangan.