Si S. Jayakumar, kinsa delegado sa Singapore sa "eminent persons group' panel sa ASEAN Summit, nagkanayon nga kining 40 anyos na nga 10-member bloc wala gyuy nahimo batok sa pagpangabuso sa ubang miyembro ilabi na kadtong mga "military-ruled" sama sa Myanmar.
Ang Straits Times sa Singapore mikutlo kang Jayakumar nga nag-ingon: "If it continues to do more of the same, I think over a period of time, ASEAN will just become one of those organizations which will slowly fade into the sunset."
Matud ni Jayakumar, kinahanglan nga ang ASEAN mopakita sa iyang kusog pinaagi sa "hard-nosed decisions" aron kining pundok nga gilangkuban og 10 ka nasud sa Southeast Asia magmalampuson sa pag-angkon sa iyang tinguha nga kahatagan og kaayohan ang maong mga nasud.
Hagit kini ni Jayakumar nga angay'ng hatagan og atensiyon sa mga delegado sa ASEAN Summit nga gitakdong ipahigayon dinhi sa Sugbo karon Enero 10 ngadto sa 15.