Ang bata sa kulyada
Disyembre 29, 2006 ako mapugsanong milabang ngadto sa Isla Carnaza. Wala lang gyud palandonga nga mga bawod pwerting dagkoa. Mora man ta ini og apil sa casts sa Perfect Storm nga salida. Gibati ko og kakulba. Apan kini nawala sa dihang usa ka inahan ang mahangyoong nipakugos kanako sa iyang bata.
Nganong nawala man ang akong kalisang sa dihang gikugos ko ang puya? Kini tungod kay ako nakapamalandong nga ang usa ka bata maoy ehemplo sa tinud-anay nga pagtuo og pagsalig. Kon ang bata nga walay mahimo mihilom og hugtanong mikupot kanako ako pa kaha nga husto na sa pangedaron og maantigo nang mohuna-huna? Apan labaw sa tanan, ang pagtuo ingon og sama sa usa ka bata maoy kinahanglanon diha sa atong pakiglambigit ngadto sa Ginoo….