Pamalandong Matag Domingo
Disyembre 24, 2006: Ikaupat nga Domingo sa Adbiyento (Gaudete Sunday)
Mga Pagbasa: Mic.5: 1-4/Hb.10: 5-19/Lk. 1:39-45
Si Maria mao ang sumbanan sa usa ka babaye nga masaligon sa mga Diosnong pamaagi. Andam siya sa kanunay diha sa pagsunod og pagtahan sa kaugalingon dili tungod kay wala niya hisabti ang pamaaging Diosnon kon dili tungod kay una sa tanan, usa siya ka babaye sa pagtuo. Kini mao ang nakapahimo niyang bulahan sa tanang mga babaye. Kini ang nakapahimo kaniyang puno sa mga grasya og panalangin.
Ning adlaw sa Pasko mao usab ang higayon diin atong bag-ohon og paladman pa gyud ang atong pagtuo. Dili kini panahon sa nagpasulabing lipay-lipay sa mga hagukang katagbawan. Dili kini panahon sa pamolitika og pagpanday sa mga ilusyon nga hawa sa reyalismong pagtan-aw sa kinabuhi. Labaw sa tanan dili kini mao ang tukmang panahon sa paghatag og mga gasa aron sa kaulahian ang si bisan kinsa pagagasahan usab agig balos sa ilang giplantsang kaayo.
Sa Isla diin ako karon nagmisyon ako nakaamgo, nga pinaagi lamang sa pagkaabli ako makasinati sa kahibulongang huni og lihok sa Diosnong Grasya nga sa matag kinabuhi og sa tawo molihok....
Maayong Pasko kaninyo!!!!