EDITORYAL — Ang pag-oktaba sa Summit

Pormal nga buksan na unta ugmang adlawa ang ika-12 nga Asean Summit dinhi sa Sugbo. Apan dili kini mahinayon. Gisibog ang pagpahigayon niini unya sa Enero -- sunod buwan -- tungod sa gipaabot nga bagyo kinsa suma pa sa Pag-asa moigo sa tungatungang bahin sa lalawigan sa Sugbo.

Walay mahimo ang mga tigpasiugda sa Summit. Suma pa bitaw sa usa ka dakong opisyal sa kapolisan, "We can beat the terrorists but we can't beat nature."

Dunay mga pagduda nga ang hulga sa mga terorista, ug dili ang bagyo, maoy hinungdan nganong gioktaba ang Asean Summit.

Apan gisalikway kini nga pagduda sa mga sakop sa organizing committee.

Unsa may tinuod nga hinungdan, ato lang dawaton ang desisyon ug panghinauton nga magmalinawon ug malampuson ang maong mahinungdanong tigom.