Seryoso ang pagkaluwat sa Mayor sa maong pasidaan. Manghinaut kita nga iya kining tinud-on alang sa kabulahanan sa Sugbo.
Dako kaayo ang kadaut nga mahimo ngadto sa Sugbo ug mga Sugbuanon kun adunay langyaw nga binuangan sa usa ka tarantado nga taxi driver.
Madaut ang pangalan ug imahe sa Sugbo ug madaut usab ang atong turismo nga gihaguan sa pagpauswag sa kagamhanan.
Dili ikalimod nga aduna pa gyuy pipila ka mga abusado ug tikasan nga mga drayber sa taxi. Hinaut unta nga gawas sa berbal nga warning sa mayor, pasidan-an usab sa mga operator ang ilang mga drayber nga badlongon.
Tabangan nato ang kagamhanan sa tinguha niini nga mamahimong dalaygon nga dapit ang Sugbo ngadto sa langyaw tang bisita.