Dihay tulo ka Marines nga nanghasi sa usa ka imnanan. Diha say mga batan-ong Koreano nga nimugna og kagubot sud sa usa ka mall adtong pipila ka adlaw nga minglabay.
Pulos kini sila gipasaylo ug gipamuhian tungod kay lagi mga hubog sa ilimnong makahubog.
Adtong miaging adlaw, upat ka mga sundawo ang mitabang og kulata sa usa ka polis apan gipasaylo ug gibuhian gihapon tungod kay lagi mga hubog.
Ngano man ni? Ang pagkahubog ba sa usa ka tawo mihatag kaniya og lisensiya sa paghimog kasamok sa atong katilingban?
Morag alkanse ang mga malinawong lungsoranon niining kalakiha. Kon sila kulatahon o panamastamasan sa mga badlongon, lakip na ang mga sakop sa militar ug polis, ok lang no problem kay lagi mga hubog. Makatarunganon ba kini?
Nagkinahanglan kitag balaod diin ang mga hubog silotan sa mga sala nga nahimo...Bisan pa sila hubog.