Gipanglantawan nga kun nipabor pa ang Korte Suprema sa hugtanong gibarugan ni Mrs. Arroyo adunay mahitabo nga halapad nga kaguliyang sa nasud, ilabi na didto sa Metro Manila.
Ang mga sakop sa militanteng sektor, kinsa pulos anti-Arroyo, walay duda nga momontar kinig dakong kasamok pinaagi sa paghimog mga mainitong rali sa kadalanan.
Busa, sama sa giingon ni kanhi Gobernador Pabling Garcia, kinsa giila nga usa ka eksperto sa constitutional law ug mga butang bahin niini, "blessing in disguise" alang ni Mrs. Arroyo ang hukom sa labing hataas nga hukmanan sa nasud.