Kining ilang giingon nga ma-finished, ma-completed, unsay buot nilang ipasabot? Di na manimahong pintal? Duna nay carpet? Flooring ug walling? Kisame? Ang air-conditioning? Mga linya sa telepono, sa mga computer, fax ug ubang mga modernong kahimanan sa communication? Electrical ug lighting system complete na?
Ang mga comfort rooms, functional na, makapangihi na ta? Sound system? Unya, ang landscaping ug pagpatahom sa palibot going to and coming from the center?
Nangutana ko ini tungod kay nakahunahuna kog tampo sa pustaanay nila ni Guanzon ug Sonny O. Alang nako, ang isyo dili ang paghuman, kondili magamit ba o dili pa.
Kon makaseguro si Guanzon nga magamit gyud, anha ko tampo niya. Otherwise, adto kong Sonny laban. Pila? Unya na.
Sa ako nang giingon, usa kini ka dakung dungog kanatong mga Sugbuanon, nga usa ka dakung tigum sa mga lider sa South East Asia, anhi gyud sa ato i-held. Nganong di man Manila? Nganong di man sa Baguio, sa Davao, sa Bacolod, o sa Cagayan de Oro? Nganong Cebu man gyud?
Indeed, usa ka dakung dungog. Maoy hinungdan nga magbinuligay kitang tanan. Di lang una ta mamolitika. Ipadaplin lang una ang politika.
However, kon ang CICC di gyud magamit, so be it. Unsaon ta man? Di nato pugson. Apan, kon magamit gyud 100 percent, labaw pang so be it. Maglipay ta. Apan maayong mangandam og mga alternatives kon di gyud magamit.
Dinhi, moandar ang pride. Mao ni ang problema. Mao nga alang sa kaayohan natong tanan, ipa-us-os nato ang pride, bisag gamay lang. Angkonon nato nga di gyud magamit, aron together with Sonny O. mangita tag mga paagi aron magmalampuson gyud ang Meet, bisag di magamit ang CICC.
Nindot kaayo ang Shangri-La ug ang Hilton. World class gyud, bisan tuod o waa ko ka-sulod ining mga hotela kaylagi, di ta ka-afford. Bastante na kaayo ni nga mga venue alang sa Asean Meet. Ug bisan kon di magamit ang CICC, magmalampuson gihapon ang maong Meet. Di ba Dro?