May nag-tip ning kolumnista nga may nagsuroy-suroy karon nga usa ka lalaki, mga 26 ang edad, tabunon ang pamanit ug Tagalog ang sinultihan nga magpailang usa ka ahente sa usa ka kompaniya sa sabon. May promo (kuno) ang maong kompaniya ug gusto nilang makapahimulos ang mga kunsomidor sa maayo nilang tanyag.
Ang estilo niining tawhana mao ang pagtaak sa bisan asang dapit ning dakbayan nga magkalibhay og bag nga kolor blue. Magbitbit siyag pipila ka pakete o sachet sa sabong panglaba nga powder. Iya kining ihanyag ngadto sa mga tawo.
"Special offer po. Bili na kayo. Mora lang ito ngayon kasi may promo tayo. Masyadong mahal ito sa mga mall pero didto sa atin makaka-save kayo ng malaki," maoy sagad nga haylo sa maong lalaki.
Sa iyang gitanyag nga promo (kuno) pabayron ka niyag P140.00 sa usa ka baretang sabon. Kon mobayad ka sa maong kantidad, pakapinan ka og unom ka putos sa powder nga sabon nga samag brand o ngalan sa imong gibayran. May dugang pakapin pa gayod nga sabon pangkaligo (family size) nga unom ka buok ug sama gihapon og ngalan sa sabon panglaba. Dugang pakapin mao ang duha ka dosenang sachet sa shampoo nga lain na og brand. Pero kining maong mga pakapin dili nimo puydeng ablihan kon dili ka mobayad og P140.00 kay dili man kini paablihan kon dili ka mopalit.
Kon imong balansehon mas labaw pa sa P140.00 ang imong mabayran kon paliton mo sa tindahan ang maong gidaghanon sa mga produkto. Maong madani ka gyod. Mobayad kag P140.00