EDITORYAL — Patalsikon ang abusado nga polis

Naobserbahan sa mga magbabasag pamantalaan nga kasagaran sa mga polis nga nalambigit sa nagkadaiyang matang sa krimen mao kadtong nagdala sa labing mubo nga ranggo sa kwerpo sa kapolisan -- ang Police Officer One kun PO1.

Di pa lang dugay napun-an ang listahan sa mga PO1 nga nakalapas sa balaod ug duha pa gyud sa polis nga nagdala sa maong ranggo.

Kining duha ka PO1 nadakpan sa usa ka buy-bust operation nga gipahigayon sa kapolisan isip kabahin sa ilang kampanya batok sa mga drug pusher.

Kun kining PO1 nga mga polis makahimo og salaud ug pagpangabuso bisan pa gani nga anaa pa sila sa kinaubsang ang-ang unsa pa kaha kun nagkupot na silag dakong ranggo?

Ang maayong buhaton ngadto sa maong mga abusadong ultimong polis mao ang pagpatalsik kanila sa katungdanan isip tinugyanan sa balaod samtang sayo pa. Sa Iningles pa: Nip them in the bud.